Vanliga hevur SSP-samstarvið fyrst og fremst lagt dent á tann fyribyrgjandi og tann kriminali- tetsfyribyrgjandi partin, og hevur
í stóran mun latið aðrar aktørar virkað á uppbyggjandi stignum. Tað hevur verið ein heilt natúrlig raðfesting, tá hugt verður at hvørjir stovnar eru umboðaðir í SSP- samstarvinum. Tað eru kortini fleiri dømi um, at SSP-samstarvi eisini er við í arbeiðinum á uppbygg- ingarstiginum. Tað kann eitt nú vera í sambandi við fyribyrgjandi tilboð í fólkaskúlanum – líka frá skúlabyrjan til næmingurin fer úr skúlanum, loysa ósemjur, síðsti skúladagur o.a. Í slíkum førum kann SSP saman við øðrum hava ein týðandi leiklut.
Fyri at fáa tey ymisku átøkini at hanga saman hevur tað týdning, at barnapolitikkurin styðjar upp undir SSP-samstarvið, og tað skal hann gera við teimum uppbyggj- andi átøkunum. Tað er t.d. týdn- ingarmikið, at ein samanhangandi barnapolitikkur verður lagdur á verndarfaktorar heldur enn á váða- faktorar. Verður dentur lagdur á verndarfaktorar, tekur politikkurin eisini støðið í at gera børn og ung før fyri at standa ímóti ymiskum sløgum av kriminaliteti og tað er týdningarmikið at bæði verða tikin við, tá um fyribyrging ræður.
SSP OG FYRIBYRGING
Ein týðandi partur av átøkunum hjá SSP eru á fyribyrgjandi økinum. Tað eru átøk, sum skulu fora óynsktari hending ella óynsktum trupulleika at stinga seg upp, ella styðja upp undir rættan atburð, men grundgevingin fyri tiltøkunum er ikki at fyribyrgja kriminellum gerðum. Tá ið SSP arbeiðir við digitalum trivnaði hjá børnum, fyribyrging av happing og sosialari óhógv, so snýr tað seg um fyribyrgjandi átøk, sum kunnu vera við til at styrkja verndarfaktorarnar. Fyribyrgjandi átøkini kunnu hin vegin eisini snúgva seg um at avmarka vandafaktorar hjá børnum og ungum, sum t.d. ovurnýtslu av rúdrekka og rúsevnum.
Juli 2012
Óli Rubeksen, SPP- ráðgevi