8.a í Hoyvíkar skúla er ársins vinnari av Tryggari internetdag kappingini
8.a í Hoyvíkar skúla er ársins vinnari av Tryggari internetdegnum kappingini Flokkurin hevur framleitt filmin “Sært tú?”,…
Sí meira
SSP luttók á Ungdómstinginum
Týsdagin 3. februar luttók SSP á Ungdómstinginum, har næmingar úr sjey skúlum, løgdu uppskot fram til viðgerðar…
Ein innihaldsrík og væleydnað vika er komin at enda við Ung og lívið-tiltakinum, ið hevur verið ymsa staðni í landinum. Fyrst í Vágunum, síðani í Havn og við Skálafjørðin.
Ung og lívið er eitt spennandi og uppbyggjandi tiltak fyri næmingar í 7. flokki. Tiltakið er ætlað at gera næmingar tilvitaðir um, hvussu eitt gott ungdómslív kann vera uttan rúsdrekka við at taka góðar avgerðir fyri seg sjálvan og felagsskapin. Tað skal byrgja fyri, at ung ikki koma í vandastøður orsakað av rúsdrekka og nikotin, og hjálpa teimum at taka avgerðir, ið geva lívinum innihald. Tað góða ungdómslívið við sunnum felagsskapum og áhugamálum, ið gevur lívsgleði og innihald.
Tiltakið verður skipað av SSP-økisbólkunum kring landið, sum umboða SSP-lærarar á skúlum, SSP-samskiparar í barnaverndartænastuni, SSP-politistar hjá Føroya Politi og umboð fyri ungdómshús og frítíðarskúlar. Í samstarvi við kommunur, aðrar stovnar og felagsskapir tryggja tey samansjóvandi og rúsfríar karmar við denti á verndarfaktorar, ið stuðla undir endamálið. Verndarfaktorar merkja alt tað, ið gransking vísur á hevur ávirkan á eitt gott barna- og ungdómslív.
Takk til øll, sum hava skipað fyri og hjálpt til.
Saman eru vit sterkari.
Saman gera vit mun.
1 CommentsViðmerk á Facebook
SSP årsmødet 2026 – frá vitan til praksis 🌍
Dagarnar 17.–19. mars luttóku SSP umboð á árligu SSP-ráðstevnuni í Nyborg, har vit vóru heili 21 luttakarar úr Føroyum – eitt met vit eru errin av 🤗⭐
Ráðstevnan hevði eitt høgt fakligt støði📊, við bæði felags fyrilestrum og ymiskum verkstovum, við støði í seinastu gransking, har dentur varð lagdur á aktuellar avbjóðingar í arbeiðinum við børnum og ungum.
👉Evnini vit m.a. hoyrdi um:
• Ungdómskriminalitetur gjøgnum árini – vanda- og verndarfaktorar
• Digitalan kriminalitet og konspiratiónstankan innan talgilda heimin
• Gaming- og memeficering 🎮 – ávirkan gjøgnum ekstremt innihald og normalisering
• Relatiónsarbeiði og endurreisandi tilgongdir 🤝
• Ítøkilig amboð til at styrkja felagsskap, handfara ósemjur og styrkja mentaliseringsevni
• Foreldrakontrol á sosialum miðlum 📱
• Vitlíki og kriminalitetur 🤖
• Rúsevnisnýtsla millum ung (ESPAD 2024)
• Átøk um royk- og nikotinfríar skúlar 🚭
Ein týðiligur boðskapur gekk aftur:
Tørvur er á at raðfesta fyribyrging ⚠️ – eisini á tí talgilda økinum, styrkja samstørv og reagera skjótari tá stúranir eru.
🚀Praksis amboð vit serliga vilja royna:
• Affektivt málburður; um mentalisering og “eg-boðskapur” í samskifti við børn og ung
• Sirkulprosessir, sum styrkja felagsskap og álit í floksstovuni
• Endurreisandi samrøður við fokus á ábyrgd og loysnir, innan konflikthandfaran
Hví luttøkan er týdningarmikil‼️
Tí nógv av tí, sum hendir online 🌐, hevur veruligar avleiðingar offline. Rák í Danmark síggjast eisini í Føroyum – ofta heldur seinni. Tí er neyðugt at vit fáa seinastu vitanina og eru fyrireikaði.
At vit vóru 21 avstað, vísir greiða raðfesting:
Vit vilja styrkja fakligheitina og samstarvið, og tryggja at okkara arbeiðið byggir á nýggjastu vitanina.✔️
🫶Næsta stigið er greitt:
Vit eru longu farin undir at umseta vitanina til ítøkilig átøk 🚀
Tey ið vóru umboðaði innan SSP-samstarvið vóru:
SSP-politistar, SSP-lærarir, skúlastjórar, barnavernd, SSP-samskiparir og SSP-ráðgevingin.
Takk fyri eina fakliga góða og gevandi SSP-ráðstevnu 🤝
#SSPsamstarvið #SSPFøroyar
0 CommentsViðmerk á Facebook
Evnisdagur fyri námsfrøðilesandi
Í dag varð skipað fyri SSP-evnisdegi fyri námsfrøðilesandi á Fróðskaparsetri Føroya. Hetta er triðju ferð, vit halda ein slíkan dag fyri komandi námsfrøðingar um teirra týdningarmikla fyribyrgjandi leiklut á barna- og ungdómsøkinum.
SSP-ráðgevingin og SSP-samskipari hjá Føroya Politi greiddu millum annað frá 1) Hvat SSP er og týdningurin av almennari fyribyrging, 2) Tagnar- og fráboðanarskylduna, 3) Rættargangslógina og 4) Bólkaarbeiði um fyribyrgjandi arbeiði sum námsfrøðingur í praksis. Í hesum sambandi fingu tey lesandi møguleika at royna tilfarið TÍTT (Tiltøk Í Tøkum Tíma), ið er eitt amboð til fakfólk at meta um trivnaðin hjá børnum og til at varnast møguligar avbjóðingar.
Nógv kjak og viðkomandi spurningar komu fram um týdningin av trivnaði, og hvussu hetta kann fremjast í verki fyri øll børn.
Vit eru sera fegin um møguleikan at lána okkara komandi námsfrøðingar og ynskja teimum bestu eydnu víðari í lesnaðinum.
0 CommentsViðmerk á Facebook
8.a í Hoyvíkar skúla er ársins vinnari av Tryggari internetdegnum kappingini! 🥳
Flokkurin hevur framleitt filmin “Sært tú?”, ið lýsir happing á netinum.
Viðmælt verður, at tú hyggur eftir filminum, áðrenn tú lesur víðari: www.youtube.com/watch?app=desktop&si=ziNmERuCWnTS3NTt&v=tUpjq02gxz4&feature=youtu.be&fbclid=IwdGR...
...Filmurin er deildur upp í tvey. Í fyrsta parti verður hyggjarin spurdur “sært tú?” ímeðan ein vanligur skúladagur hjá Marko verður vístur. Tá skúladagurin endar fær hyggjarin at vita, at meðan Marko hevði ein vanligan skúladag, bleiv ein floksfelagi happaður. Hyggjarin fær síðani innlit í, hvat hendi rundanum Marko, men sum hyggjarin ikki gjørdi sær far um.
Flokkurin hevur dugað sera væl at lýst, hvussu torgreidd og duld happing kann vera. Bæði fyri børn og vaksin. Happing á netinum og happing andlit til andlits hongur aloftast saman, men kann vera sera torfør at fáa eyga á, tá okkara fokus liggur aðrastaðni. Har er nógv meira sum gongur fyri seg, enn vit gera okkum far um, og tí krevur tað, at vit hyggja og síggja.
- Og mest týdningarmikla av øllum: eru vit vitni til happing, skulu vit siga frá.
Vit ynskja 8.a í Hoyvíkar skúla hjartaliga til lukku við avrikinum og takka fyri øll uppskotini, sum eru komin inn. Okkara ungu hava stórt rós uppiborið, og eru vit errin at síggja, at vit hava so dugnalig ung, ið vilja arbeiða við hesum evninum.
Takk til @nemaforoyar og @foroyatele fyri at stuðla við 20.000 kr til flokkin til eina felags uppliving saman.
3 CommentsViðmerk á Facebook
8.a í Hoyvíkar skúla er ársins vinnari av Tryggari internetdegnum kappingini! 🥳
Flokkurin hevur framleitt filmin “Sært tú?”, ið lýsir happing á netinum.
Viðmælt verður, at tú hyggur eftir filminum, áðrenn tú lesur víðari:
www.youtube.com/watch?app=desktop&si=ziNmERuCWnTS3NTt&v=tUpjq02gxz4&feature=youtu.be&fbclid=IwY2x...
...Filmurin er deildur upp í tvey. Í fyrsta parti verður hyggjarin spurdur “sært tú?” ímeðan ein vanligur skúladagur hjá Marko verður vístur. Tá skúladagurin endar fær hyggjarin at vita, at meðan Marko hevði ein vanligan skúladag, bleiv ein floksfelagi happaður. Hyggjarin fær síðani innlit í, hvat hendi rundanum Marko, men sum hyggjarin ikki gjørdi sær far um.
Flokkurin hevur dugað sera væl at lýst, hvussu torgreidd og duld happing kann vera. Bæði fyri børn og vaksin. Happing á netinum og happing andlit til andlits hongur aloftast saman, men kann vera sera torfør at fáa eyga á, tá okkara fokus liggur aðrastaðni. Har er nógv meira sum gongur fyri seg, enn vit gera okkum far um, og tí krevur tað, at vit hyggja og síggja.
- Og mest týdningarmikla av øllum: eru vit vitni til happing, skulu vit siga frá.
Vit ynskja 8.a í Hoyvíkar skúla hjartaliga til lukku við avrikinum og takka fyri øll uppskotini, sum eru komin inn. Okkara ungu hava stórt rós uppiborið, og eru vit errin at síggja, at vit hava so dugnalig ung, ið vilja arbeiða við hesum evninum.
Takk til Nema og Føroya Tele fyri at stuðla við 20.000 kr til flokkin til eina felags uppliving saman.
0 CommentsViðmerk á Facebook
Kveikingardagur 2026 – SSP-ráðstevnan.
18. februar var árligi Kveikingardagurin hildin, har vit hittast tvørtur um geirar við tí máli, at vit í felag gera okkara til, at børn og ung trívast í Føroyum.
Meira enn 300 luttakarar tóku lut á degnum og umboðaðu 33 ymiskar stovnar og felagsskapir kring alt landið. Tað vísti enn einaferð, hvussu breitt og týdningarmikið arbeiðið við børnum og ungum er – og hvussu stóran týdning tvørfakligt samstarv hevur.
Evnið í ár var “Mótivatión í roynd og veru”. Djóni Nolsøe Joensen, landsstýrismaður í Barna- og útbúgvingarmálum, setti ráðstevnuna og vit fingu íblástur frá fyrilestrarhaldarum:
• Pætur Zachariasson, sálarfrøðingur og Ph.d.-lesandi, um drúgva skúlafráveru
• Rune Kappel, cand.psych.aut., leiðandi sálarfrøðingur og rithøvundur, um sjálvstamarhald og drívmegi
• Dorthe Birkmose, sálarfrøðingur og rithøvundur, um motivatión – og hvussu vit kortini ikki hava roynt alt
• Katrin á Neystabø, ítróttarráðgevi hjá Ítróttasamband Føroya, um “flest møguligt, longst møguligt í ítróttarfelagsskapinum".
Ein dagur við fakligum áfyllingi, kjaki og nýggjari vitan – men fyrst og fremst ein dagur, har vit styrktu um felags ábyrgdina: At skapa karmar, sum stuðla trivnaði, luttøku og menning hjá børnum og ungum í Føroyum.
Takk til øll, sum luttóku og gjørdu dagin til nakað serligt. Saman gera vit mun 💛
0 CommentsViðmerk á Facebook