Vælkomin til Tryggari Internet Dag 2023!
Í ár verður altjóða Tryggari Internet Dagur í Føroyum størri enn nakrantíð áður og tiltakið byrjar við einum intro-degi í Norðurlandahúsinum fyri allar fólkaskúlanæmingar í hádeild 26. oktober 2022. Kom við!
Tiltakið er ókeypis og til ber at melda seg til við at skriva til sik@ssp.fo og viðmerkja, hvønn skúla tit umboða, hvussu nógvir næmingar + lærarar koma og hvør árgangur.
Hvat er Tryggari Internet Dagur?
Tryggari Internet Dagur er føroyska heitið fyri Safer Internet Day og er ein altjóða dagur, ið hevur sum endamál at seta sjóneykuna á at gera internetið tryggari og fyribyrgja kriminalitet og skaðandi atburði millum børn og ung á netinum. Í dag eru áleið 200 lond kring heimin við í tiltakinum og tað er ymiskt, hvussu øll londini velja at skipa fyri hesum í sínum landi. Í Føroyum er tað SSP sum skipar fyri tí, í samstarvi við Fólkaheilsuráðið, FøroyaTele og Nema. Tryggari Internet Dagur í Føroyum kann fyrst og fremst skiljast sum eitt fyribyrgjandi tiltak fyri allar næmingar í hádeild (7., 8., 9. og 10. flokkar), sum fær hesi ungu at hugsa um týdningin av at ansa eftir sær sjálvum og øðrum á netinum á ymsan hátt. Fyri at gera hetta, er tiltakið skipa sum ein kapping millum allar flokkarnar um at gera eina verkætlan/uppskot sum lýsir ársins evnið best. Í ár er evnið Myndadeiling á sosialum miðlum og vit í SSP, FHR, FT og Nema leita sostatt eftir einum uppskoti sum lýsir hesa avbjóðingina. Tað kann vera við at gera eina plakat, sang, film, yrking, collage, dans, undirvísingartilfar – you name it. Bert hugflogið setur mørk. Øll uppskot verða so send til eitt dómarapanel og vinnarin av besta uppskotinum vinnur 20.000 kr!
Til ber at síggja okkara vinnarar undanfarnu árini her:
Nám X vinnari av Tryggari Internet Degnum 2021 (her vunnu næmingarnir við einum filmi).
Vinnari av Tryggari Internet Degnum 2020 (her vunnu næmingarnir við einum sangi sum bleiv spældur inn við Marius DC).
Dagarnir í tiltakinum er staðfestir og eru skipaðir soleiðis:
| Dagur 1 – intro-dagur fyri næmingar í hádeild
Nær: mikudagin 26. oktober 2022 Hvar: Norðurlandahúsið Kl. 09:00-12:30 Prísur: Ókeypis Tilmelding: Send teldupost til sik@ssp.fo og viðmerk, hvør skúli verður umboðaður, tal av næmingum + lærarum og hvør árgangur.
|
Hetta er fyrsti dagur í verkætlanuni Tryggari Internet Dagur og verður hildin í Norðurlandahúsinum fyri allar fólkaskúlanæmingar í hádeild (7., 8., 9. og 10. flokki). Dagurin byrjar við felags morgunmati og er síðani fullur av viðkomandi fyrilestrum, kjaki og góðum tónleiki. Endamálið við degnum er at kveikja áhugan hjá næmingunum at vera við í kappingini um at gera eina verkætlan sum lýsir ársins evnið best – Myndadeilding á sosialum miðlum. Hetta kann gerast við at gera ein sang, plakat, film, yrking, collage, undirvísingartilfar, you name it (har er einki ov stórt ella ov smátt)… og vinnarin av besta uppskotinum vinnur 20.000 kr. Síðsta ár varð Tryggari Internet Dagur (TID) 2022 avlýstur vegna korona, so í ár koyra vit eyka nógva orku í og ynskja, at allir skúlar eru við. Vit vita, at tað ikki ber til hjá øllum skúlum at hava allar árgangir við, vegna royndarfyrireikingar o.a., og tí er ynski, at minst ein flokkur úr hvørjum skúla er við og at SSP-lærarin hjálpir næmingunum við verkætlanini (um neyðugt og tørvur er á tí – nógvir næmingar hava tað fínt við at gera alt sjálvir). |
| Dagur 2 – TID skeið fyri lærarar
Nær: Týsdagin 10. Januar 2023 Hvar: Nám Kl. 09:00-15:00 |
Skeið Tryggari Internet Dagur: Hetta er fyri SSP-lærarar og flokslærarar hjá næmingum, ið eru við í verkætlanuni. Skeiðið verður hildið á Námi og endamálið er at geva lærarum kunning og altjóða søguna aftanfyri TID og íblástur/vegleiðing í, hvussu man sum lærari kann hjálpa næmingum í teirra verkætlan innan ársins evni Myndadeiling á sosialum miðlum. |
| Dagur 3 – Deadline
Nær: Týsdagin 7. februar 2023 Hvar: online – Uppskot sendast til sik@ssp.fo Kl. 00:00 |
Altjóða Tryggari Internet Dagur. Hesin dagurin er deadline fyri at senda øll uppskot inn fyri at vinna 20.000 kr. Hesi verða send til sik@ssp.fo áðrenn miðnátt og sum so verða send víðari til okkara dómarapanel ið avgerð vinnaran. |
| Dagur 4 – Finalan
Nær: Mikudagin 1. mars 2023 Hvar: Verður lýst seinni.
|
Hetta er seinasti dagurin, har vinnarin verður kunngjørdur og fær handað stóran kekkin uppá 20.000 kr. Dagurin, saman við intro-degnum 26. oktober, verður filmaður.
|
GG: Broytingar kunnu koma í.
