Nám skipar framúr góðar “Læraradagar 2023”. SSP-ráðgevingin luttekur og nýtir eisini høvið at vísa fram tilfar.
Djóni Nolsøe Joensen, landsstýrismaður bar røðu fram og síðani greiddi Eyðun Gaard, stjóri, frá hesum stóra tiltaki. Gleðiligt var, at SSP longu var nevnt á morgni, tí talgildisbúgving er ikki bert at nýta tøkni, men nógv breiðari virkisøkið, ið SSP eisini eigur sín leiklut í.
Dorte Ågåard, ráðgevi, og Martin Tvede Zachariasen, rektari, høvdu í fyrilestrum sínum ymsar vinklar til evnið. Fyrilestrarnir og verkstovurnar verða tøkar á netinum.
Tóri Slættalíð, deildarleiðari, greiddi á verkstovu frá orðingini “talgildisbúgving” og m.a. “um at flyta albúgving inn í talgilda heimin”. Í hesum sambandi varð eisini víst á SSP-tilfarið, ið tøkt er á netinum, til lærarar at arbeiða saman við næmingum: At ferðast á netinum.