Sum týðandi partur av SSP-samstarvinum, bjóða barnaverndartænasturnar í Føroyum hesa undirvísing í fólkaskúlanum:

• Sára og Aleks (6. flokkur)

Sára og Aleks er ein handbók og tveir filmar, ið vísa støður, har børn kunnu hava tørv á hjálp og stuðli. Endamálið er, at næmingar fáa vitan um nær talan er um vansorgan og ikki, um teirra rættindi til tryggan uppvøkstur og nær tað kann verða viðkomandi at fráboða og seta seg í samband við barnaverndartænastuna. Tilfarið leggur dent á opinleika og trygt samskifti, samt orðaskifti um tvístøður og møguligar loysnir.

Ígjøgnum skúlaárið verður skipað fyri vitjanum millum skúlar og barnaverndartænastuna í økinum. Tað eru starvsfólk úr barnaverndartænastuni, ið undirvísa í “Sára og Aleks”, har eisini SSP-lærari ella annar lærari er til staðar. Næmingar fáa sostatt høvi at heilsa uppá SSP-umboð fyri sosialu myndugleikan í teirra øki og fyri skúlan.

Dentur verður lagdur á, at næmingar í flokkinum fáa innlit í, hvussu barnaverndartænastan kann hjálpa, um tørvur er á tí.